Archives : Proverbes

Dadi be, detsia kpɔkplɔ yedzrom gake ʋloa meli o.

Dadi be, nu si teƒe yekpɔna la, avu mekpɔa eƒe afã hafi nɔa wówóm o.

Dadi be, nu siwo yekpɔna zina kpi la, eƒe afã ko avu ya kpɔna ko noa ɤli dom boboboo.

Dadi be, nu si yekpɔna trɔa mo ɖe adzɔge la, eyae avu ya kpɔa nɔa wówóm.

Dadi be, nu siwo yekpɔna le zãme hebɔbɔa ta la, ne avu kpɔe la, anɔ wówóm ʋuu aku.

Dadi be, avu ŋutɔe to agbledemo, eya ta wokplɔnε yia agblee ɖo.

Dadivi be, yeƒe afiléle la, dzidodoe.

Dadi be, nyae wum.

Dadivi kɔmeɤi be, amedada ƒe ƒuɖuƒee woɖua ƒu ɖo.

Dadi be, amedada ku na ame la, nu gãe, anye ne afi hã mava nɔ asi dom ɖe mo na ye o.

Dadi be, xɔtɔ ƒ emo yekpɔna hafi gena ɖe eƒe xɔme.

Bleyi be, akɔta gbadzae, yewotsɔ le ƒutsia nue.

Aziɔŋui gblɔ na Aɖadze be, ŋlɔmitɔ ƒe aƒe mekaa to o.

Avugbe be, ame ɖeka mehana o.

Avugbe be, ave ɖeka me nɔnɔ menyaa nu ame o.

Avugbe (Avugbɔe, Ahlɔe) be, mele lolome o, tsi vivi me wòle.

Avuvi kɔmeɤi be, amedada ƒe ƒuɖuƒee woɖua ƒu ɖo.

Aƒeɖiavu be, nya xoxowo nu yeɖua ame ɖo.

Avu be, ne ye kple ye nɔvi yewole fefem eye yedze anyi, eya hã dze anyi la, eyae vivinε.

Avu be, ye ŋutɔe to agbledemo eya tae wokplɔa ye yia agblee ɖo.

Avu be, yekpɔ wò xoxoxo.

Avu be, amenukpɔla metsia dɔ o.

Avetegli be, yele fu agbletɔ, agbletɔ bey e ƒe maŋkanifluwo ŋu vo na ye.

Avetegli (Tegli) be, tsã le vo, tsã tsã le vo.