Archives : Proverbes

Kese be, dɔ dɔ vi, dɔdɔe.

Xoxokese be, yelé lã avu xɔ ye si, egbetɔ ya megale exɔ ge o.

Kese be, tsɔ wɔlewɔleawo dzaa.

Kese be, ame ɖeka mehana o, eya ta ne yeha ko la, yenyana be adela aɖe le avea me.

Kese be, vovokpɔkpɔe nye adzugomekuku.

Kese be, ame si dzu ye la tɔ mevea ye abe ame si be mikpɔ kese ɖa tɔ ene o.

Kese be, ame si dzu ye la tɔ mevea ye abe ame si mlae la tɔ ene o.

Kese be, yemekpɔ fie hafi ɖo vo o.

Kese be, yedze ɖeka (nyo) akpa, eya ta yeƒe mo wɔ globoo.

Agadzikese be, yewoe wòwɔ kpɔ eya ta tsi menɔa dzadzam yewobena ɖe agblexɔe me o.

Agadzikese be, agaɖiɖi la tɔgbuinu wònye na yewo.

Abladzi be, zãmu ƒuna, ʋu meƒuna o.

Kese be, ame si wu ye la tɔ mevea ye abe ame si lé yeƒe lã ɖe ta le dzadzram be, keselãe nye esi la tɔ ene o.

Kese be, dɔmetɔe nye ametɔ, alɔgometɔ ya adelawo tɔe.

Kese be, gege tsɔna wu ɖiɖi.

Xɔfia be, dzotsinu menɔa ame si dzo gaƒoa ame o.

Ha be, menye yeƒe lãnyenye tae yele ba me blum ɖo o.

Havie bia dadaa be, nu ka ta eƒe nu le lɔbɔɔ hã, dadaa ɖo ŋu nε be « vie nènye dzɔ gbɔna ».

Ha be, tsɔli tsɔli nye le tsɔ si.

Ha be, ne wole nyawo gblɔm la, woneɖo ŋku nuɖunya hã dzi.

Hatsu be, esi yemele lã aɖeke vɔm o tae yegble vo ɖe megbe.

Ha be, ŋditsie nye tsi.

Gbɔ be, afi si ƒoƒo le la, afi mae ɖuɖu hã le.

Gbɔtsu be, yemedze ɖeka o, eya ta yekplɔa nyɔnuwo ɖo.